സിനിമാ നിര്‍മാണത്തിനും സര്‍ഗാത്മക വീഡിയോ നിര്‍മാണത്തിനുമായി ഫ്‌ളോ (Flow) എന്ന എ ഐ ടൂൾ ഗൂഗിൾ I അവതരിപ്പിചു. ഗൂഗിളിന്റെ വിയോ, ഇമേജെൻ, ജെമിനൈ എന്നീ എഐ മോഡലുകളെ ഉപയോഗപ്പെടുത്തിയാണ് ഫ്ളോ നിർമിച്ചിരിക്കുന്നത്.ഉയർന്ന ഗുണമേന്മയിൽ സിനിമാറ്റിക് രംഗങ്ങൾ എളുപ്പം നിർമിച്ചെടുക്കാൻ ഫ്ളോ ഉപയോഗിച്ച് സാധിക്കും. മനസിലുള്ള ആശയം എളുപ്പം വീഡിയോ ദൃശ്യങ്ങളാക്കി മാറ്റാൻ ഇതുവഴി സാധിക്കുന്നു. ചലച്ചിത്രരംഗത്തുള്ള ചിലർ ഇതിനകം ഈ ടൂളിന്റെ സാധ്യതകൾ പരീക്ഷിച്ചുവരുന്നുണ്ട്. സംവിധായകൻ ഡേവ് ക്ലാർക്ക് നിർമിച്ച ഫ്രീലാൻസേഴ്സ് (Freelancers) ഫ്ളോയിൽ നിർമിച്ച ഹ്രസ്വ ചിത്രമാണ്.വീഡിയോ ജനറേഷൻ, സീൻ എഡിറ്റിങ്, അസറ്റ് കൺട്രോൾ സൗകര്യങ്ങൾ ഫ്ളോയിലുണ്ട്. വിവരണം എഴുതി നൽകിയും നിലവിലുള്ള സീനുകളുടെ അടുത്ത ഭാഗം നിർമിക്കുന്നതിനുമെല്ലാം ഫ്ളോ ഉപയോഗിച്ച് സാധിക്കും.

കഥാപാത്രങ്ങളുടെ ചിത്രങ്ങൾ, സീനിൽ ആവശ്യമുള്ള മറ്റ് വസ്തുക്കൾ ഉൾപ്പടെ സീനിൽ ആവശ്യമുള്ള എന്തും എഐയിൽ നിർമിച്ചതോ അല്ലാത്തതോ ആയ ചിത്രങ്ങൾ അപ് ലോഡ് ചെയ്ത് ആവശ്യമായ നിർദേശം എഴുതി നൽകി ഫ്ളോയിൽ ദൃശ്യങ്ങൾ നിർമിക്കാം.ഗൂഗിളിന്റെ എഐ പ്രോ, എഐ അൾട്ര വരിക്കാർക്കാണ് ഫ്ളോ നിലവിൽ ഉപയോഗിക്കാനാവുക. പ്രോ പ്ലാനിൽ മാസം 100 തവണ ദൃശ്യങ്ങൾ ജനറേറ്റ് ചെയ്യാം. അൾട്ര ഉപഭോക്താക്കൾക്ക് പരിധി കൂടും.

പുതിയ യുപിഐ (UPI) ചട്ടങ്ങള്‍ ഓഗസ്റ്റ് 1 മുതല്‍ പ്രാബല്യത്തിൽ. ബാലന്‍സ് പരിശോധിക്കല്‍, ഇടപാടുകളുടെ സ്റ്റാറ്റസ് പരിശോധിക്കല്‍ തടങ്ങിയ സേവനങ്ങള്‍ക്ക് നിയന്ത്രണങ്ങള്‍ ഏര്‍പ്പെടുത്തുന്നതടക്കമാണ് പുതിയ മാറ്റങ്ങള്‍. ഉപഭോക്താക്കളും പേയ്‌മെന്റ് സേവന ദാതാക്കളും യുപിഐ നെറ്റ് വര്‍ക്കില്‍ ഉപയോഗിക്കുന്ന പ്രധാന ഫീച്ചറുകളുടെ ഉപയോഗത്തിന് പരിധി നിശ്ചയിക്കണമെന്നാണ് നാഷണല്‍ പേയ്‌മെന്റ് കോര്‍പ്പറേഷന്‍ (എന്‍പിസിഐ) ബാങ്കുകള്‍ക്കും പേയ്‌മെന്റ് സേവന ദാതാക്കള്‍ക്കും നിര്‍ദ്ദേശം നല്‍കിയിരിക്കുന്നത്. തിരക്കേറിയ സമയങ്ങളില്‍ യുപിഐ സേവനങ്ങള്‍ സുഗമമാക്കുന്നതിന്റെ ഭാഗമായാണ് എന്‍പിസിഐ നീക്കം

അക്കൗണ്ട് ബാലന്‍സ് പരിശോധിക്കുന്നതിനുള്ള ബാലന്‍സ് എന്‍ക്വയറി ഒരു ഉപഭോക്താവിന് 24 മണിക്കൂറിനുള്ളില്‍ 50 തവണയായി പരിധി നിശ്ചയിച്ചിട്ടുണ്ട്. പേയ്ടി എമ്മും ഫോണ്‍പേയും ഉപയോഗിക്കുകയാണെങ്കില്‍, ഓരോ ആപ്പിലും 24 മണിക്കൂറിനുള്ളില്‍ 50 തവണ വീതം മാത്രമേ ബാലന്‍സ് പരിശോധിക്കാന്‍ സാധിക്കൂ. വ്യാപാരികളെയും ഇടയ്ക്കിടെ ബാലന്‍സ് പരിശോധിക്കുന്നവരെയും ഇത് ബാധിച്ചേക്കാം. തിരക്കുള്ള സമയങ്ങളില്‍ (രാവിലെ 10 മുതല്‍ ഉച്ചയ്ക്ക് 1 വരെയും വൈകുന്നേരം 5 മുതല്‍ രാത്രി 9:30 വരെയും) ബാലന്‍സ് പരിശോധനകള്‍ പരിമിതപ്പെടുത്താനും നിര്‍ദേശമുണ്ട്. ഓരോ ഇടപാടിനും ശേഷം ഉപഭോക്താവിന്റെ അക്കൗണ്ടിലെ ബാലന്‍സ് അറിയിപ്പായി നല്‍കണമെന്നും നിര്‍ദ്ദേശമുണ്ട്.

യുപിഐയിലെ ഓട്ടോപേ മാന്‍ഡേറ്റുകള്‍ (എസ്ഐപി, നെറ്റ്ഫ്ലിക്സ് സബ്സ്‌ക്രിപ്ഷന്‍ പോലുള്ളവ) തിരക്കില്ലാത്ത സമയങ്ങളില്‍ മാത്രമേ പ്രവര്‍ത്തിക്കൂ. ഒരു മാന്‍ഡേറ്റിന് പരമാവധി 3 റീട്രൈകളോടെ ഒരു ശ്രമം മാത്രമേ അനുവദിക്കൂ. എന്നാല്‍ ഉപഭോക്താക്കള്‍ക്ക് എപ്പോള്‍ വേണമെങ്കിലും അവ സെറ്റ് ചെയ്യാന്‍ കഴിയും.

ട്രാന്‍സാക്ഷന്‍ സ്റ്റാറ്റസ് പരിശോധിക്കുന്നതിനും നിയന്ത്രണങ്ങള്‍ ഏര്‍പ്പെടുത്തും. ഇടപാട് നടത്തി കുറഞ്ഞത് 90 സെക്കന്‍ഡിന് ശേഷമേ ആദ്യത്തെ പരിശോധന നടത്താന്‍ പാടുള്ളൂ. കൂടാതെ, രണ്ട് മണിക്കൂറിനുള്ളില്‍ പരമാവധി മൂന്ന് തവണ മാത്രമേ പരിശോധിക്കാന്‍ പാടുള്ളൂ.
യുപിഐയില്‍, ഒരു ഉപയോക്താവിന് അവരുടെ മൊബൈല്‍ നമ്പറുമായി ബന്ധിപ്പിച്ചിട്ടുള്ള എല്ലാ ബാങ്ക് അക്കൗണ്ടുകളും കണ്ടെത്താന്‍ സഹായിക്കുന്ന ഒരു സേവനമാണ് ‘അക്കൗണ്ട് ലിസ്റ്റ് റിക്വസ്റ്റ്’ ഒരു പ്ലാറ്റ്‌ഫോമില്‍ തന്നെ ഉപയോക്താക്കള്‍ക്ക് അവരുടെ വിവിധ ബാങ്ക് അക്കൗണ്ടുകള്‍ കൈകാര്യം ചെയ്യാന്‍ ഇത് സഹായിക്കുന്നു. പുതിയ നിര്‍ദേശ പ്രകാരം, ഒരു ഉപഭോക്താവിന് 24 മണിക്കൂറിനുള്ളില്‍ ഒരു യുപിഐ ആപ്പില്‍ പരമാവധി 25 തവണ മാത്രമേ ഇങ്ങനെയൊരു അഭ്യര്‍ത്ഥന നടത്താന്‍ കഴിയൂ. നിര്‍ദേശങ്ങള്‍ നടപ്പാക്കാന്‍ ബാങ്കുകള്‍ക്കും സര്‍വീസ് പ്രൈാവൈഡര്‍മാര്‍ക്കും ജൂലൈ 31 വരെ സമയം അനുവദിച്ചിട്ടുണ്ട്.

സ്മാര്‍ട്ട് ഫോണുകള്‍ക്ക് ശേഷം ഇനിയെന്തെന്ന ചോദ്യത്തിന് ഉത്തരം കണ്ടെത്താൻ ചാറ്റ് ജി.പി.ടി നിര്‍മാതാക്കളുടെ ശ്രമം. ആപ്പിളിലെ മുന്‍ ഡിസൈനറായിരുന്ന ജോണി ഐവിന്റെ ഐ.ഒ (IO) എന്ന സ്റ്റാര്‍ട്ടപ്പ് കമ്പനിയെ സാം ആള്‍ട്ട്മാന്റെ ഓപ്പണ്‍ എ.ഐ 6.5 ബില്യന്‍ ഡോളറിന് (ഏകദേശം 55,000 കോടി രൂപ) കഴിഞ്ഞ ദിവസം ഏറ്റെടുത്തിരുന്നു. ഇരുവരും ചേര്‍ന്ന് നിര്‍മിത ബുദ്ധിയില്‍ അധിഷ്ഠിതമായ പുതിയൊരു ഉപകരണം നിര്‍മിക്കാനുള്ള ഒരുക്കത്തിലാണ്. സ്റ്റീവ് ജോബ്‌സിനൊപ്പം ആപ്പിള്‍ ഐഫോണ്‍ അടക്കമുള്ള നിരവധി കണ്ടുപിടുത്തങ്ങള്‍ക്ക് നേതൃത്വം നല്‍കിയ വ്യക്തിയാണ് ജോണി ഐവ്. സാം ആള്‍ട്ട്മാനുമായി ചേര്‍ന്ന് സ്‌ക്രീന്‍ ഇല്ലാത്ത ഒരു സ്മാര്‍ട്ട് ഫോണ്‍ വികസിപ്പിക്കുകയാണ് ഐവ് എന്നാണ് റിപ്പോര്‍ട്ടുകള്‍ പറയുന്നത്. എന്നാല്‍ ഇതൊരു ഫോണ്‍ ആയിരിക്കില്ലെന്നും മറ്റെന്തെങ്കിലും സംവിധാനമായിരിക്കുമെന്നും മറ്റ് ചിലര്‍ അഭിപ്രായപ്പെടുന്നു.

സ്മാര്‍ട്ട് ഫോണുകള്‍ക്ക് പകരമാകുമെന്ന പേരില്‍ നിരവധി കണ്ടുപിടുത്തങ്ങള്‍ നേരത്തെയും വിപണിയില്‍ ഇറങ്ങിയിട്ടുണ്ട്. 2024ല്‍ അവതരിപ്പിച്ച ഹ്യുമേന്‍ എ.ഐ പിന്‍ ( Humane Ai Pin) ഇത്തരത്തിലൊന്നാണ്. കോളറില്‍ ഘടിപ്പിക്കാവുന്ന ഈ ഉപകരണം വോയിസ് കണ്‍ട്രോള്‍ വഴിയാണ് നിയന്ത്രിക്കേണ്ടത്. ഇതില്‍ നിന്നും പുറത്തുവരുന്ന ലേസര്‍ ഡിസ്‌പ്ലേ കൈ കൊണ്ടും നിയന്ത്രിക്കാം. 699 ഡോളറിന് പുറത്തിറങ്ങിയ ഹ്യുമേന്‍ എ.ഐ പക്ഷേ അമ്പേ പരാജയമായിരുന്നു. സയന്‍സ് ഫിക്ഷനുകളിലെ ഉപകരണമെന്ന പോലെ വാങ്ങാമെങ്കിലും പ്രായോഗികതയുടെ അഭാവമായിരുന്നു വില്ലന്‍.എന്നാല്‍ കണ്ണാടി പോലെ ധരിക്കാവുന്നതും കണ്ണ്, കൈ, ശബ്ദം എന്നിവ ഉപയോഗിച്ച് നിയന്ത്രിക്കാവുന്നതുമായ ധരിക്കാവുന്ന ഗാഡ്‌ജെറ്റ്‌സുകള്‍ (Wearable Gadgets) ഇപ്പോള്‍ വിപണിയില്‍ ലഭ്യമാണ്. ആപ്പിളിന്റെ വിഷന്‍ പ്രോ, മെറ്റ എ.ഐ, സാംസംഗ് എക്‌സ് ആര്‍ ഗ്ലാസ്, ഗൂഗിളിന്റെ എക്‌സ് ആര്‍ ഗ്ലാസ് തുടങ്ങിയവ ഇതിന് ഉദാഹരണമാണ്. ഫോണ്‍ കയ്യിലെടുക്കാതെ കോള്‍ വിളിക്കാനും സംശയങ്ങള്‍ തീര്‍ക്കാനും വഴി കണ്ടുപിടിക്കാനും എ.ഐ സഹായത്തോടെ പ്രവര്‍ത്തിക്കുന്ന ഇത്തരം ഗ്ലാസുകള്‍ക്ക് കഴിയും. പക്ഷേ ഇവ മൊബൈല്‍ ഫോണുകള്‍ക്ക് പകരമാകുമോ എന്ന് ഇതുവരെയും ഉറപ്പായിട്ടില്ല. അതേസമയം, ആപ്പിള്‍ ഉത്പന്നങ്ങളെക്കുറിച്ച് ഗവേഷണം നടത്തുന്ന ചിലര്‍ അഭിപ്രായപ്പെടുന്നത് ഓപ്പണ്‍ എ.ഐ നിര്‍മിക്കുന്നതും ധരിക്കാവുന്ന ഗാഡ്‌ജെറ്റുകള്‍ തന്നെയെന്നാണ്. ഐപ്പോഡുകളുടെ വലിപ്പത്തില്‍ കഴുത്തില്‍ ധരിക്കാവുന്ന ഉപകരണമായിരിക്കുമെന്നാണ് ഇവരുടെ പക്ഷം.

കാലാവസ്ഥാ പ്രവചനത്തിന് മൈക്രോസോഫ്റ്റ് ഗവേഷകർ വികസിപ്പിച്ചെടുത്ത അടിസ്ഥാന എഐ മോഡലായ അറോറ ഇപ്പോൾ വായുവിന്റെ ഗുണനിലവാരം വേഗത്തിലും കൃത്യതയിലും പ്രവചിക്കും. പരമ്പരാഗത കാലാവസ്ഥാ രീതികളേക്കാള്‍ കൃത്യതയോടെയും വേഗതയോടെയും ചുഴലിക്കാറ്റുകള്‍ പോലുള്ള കാലാവസ്ഥാ പ്രതിഭാസങ്ങള്‍ പ്രവചിക്കുന്നതിനായി മൈക്രോസോഫ്റ്റ് റിസര്‍ച്ച് ആണ് അറോറ വികസിപ്പിച്ചെടുത്തത്. സയൻസ് ജേണലായ നേച്ചറിൽ അറോറയെക്കുറിച്ചുള്ള ഒരു ഗവേഷണ പ്രബന്ധവും അവർ പ്രസിദ്ധീകരിച്ചിട്ടുണ്ട്. ഉപഗ്രഹങ്ങള്‍, കാലാവസ്ഥാ കേന്ദ്രങ്ങള്‍ എന്നിവിടങ്ങളില്‍ നിന്നുള്ള വിവരങ്ങളും മുന്‍കാല കാലാവസ്ഥാ പ്രവചനങ്ങളും വെതര്‍ സിമുലേഷനുകളും ഉപയോഗിച്ചാണ് അറോറയെ പരിശീലിപ്പിച്ചിരിക്കുന്നത്. ഫൗണ്ടേഷണല്‍ മോഡല്‍ ആയതിനാല്‍ അധിക വിവരങ്ങള്‍ നല്‍കി പ്രത്യേക കാലാവസ്ഥാ പ്രതിഭാസങ്ങള്‍ നിരീക്ഷിക്കുന്നതിനായി എഐ മോഡലിനെ തയ്യാറാക്കാനാവുമെന്നും മൈക്രോസോഫ്റ്റ് പറഞ്ഞു.കാലാവസ്ഥാ പ്രവചന മേഖലയിൽ ഏറ്റവും മികച്ച പ്രകടനം കാഴ്ചവയ്ക്കുന്ന AI മോഡലുകളിൽ ഒന്നാണ് അറോറയെന്ന് വിൻഡോസ് നിർമ്മാതാക്കളായ മൈക്രോസോഫ്റ്റ് അവകാശപ്പെട്ടു

ഉപഗ്രഹങ്ങൾ, റഡാറുകൾ, കാലാവസ്ഥാ കേന്ദ്രങ്ങൾ എന്നിവ പകർത്തിയ ഒരു ദശലക്ഷത്തിലധികം മണിക്കൂറുകളുടെ ഡാറ്റയും മുൻകാല കാലാവസ്ഥാ സിമുലേഷനുകളും പ്രവചനങ്ങളും അറോറയ്ക്ക് പരിശീലനം നൽകിയിട്ടുണ്ടെന്ന് കമ്പനി പറഞ്ഞു. നിർദ്ദിഷ്ട കാലാവസ്ഥാ സംഭവങ്ങളെക്കുറിച്ചുള്ള പ്രവചനങ്ങൾ നൽകുന്നതിന് അധിക ഡാറ്റ ഉപയോഗിച്ച് AI മോഡൽ മികച്ച രീതിയിൽ ട്യൂൺ ചെയ്യാൻ കഴിയും.
ഒന്നിലധികം ഉറവിടങ്ങളിൽ നിന്ന് ശേഖരിക്കുന്ന വൻതോതിലുള്ള ഡാറ്റയെ പ്രവചനങ്ങൾ നടത്താൻ AI മോഡൽ ഉപയോഗിക്കുന്ന ഒരു സ്റ്റാൻഡേർഡ് ഫോർമാറ്റിലേക്ക് വിവർത്തനം ചെയ്യാൻ അതിന്റെ അടിസ്ഥാന എൻകോഡർ ആർക്കിടെക്ചർ സഹായിക്കുന്നു. ഫിലിപ്പീൻസിലെ ഡോക്‌സുരി ചുഴലിക്കാറ്റിന്റെ വരവ് നാല് ദിവസം മുമ്പ് കൃത്യമായി പ്രവചിച്ചതായും ചില വിദഗ്ധ പ്രവചനങ്ങളെക്കാൾ മികച്ചതാണെന്നും മൈക്രോസോഫ്റ്റിന്റെ ഓറോറ AI മോഡൽ അവകാശപ്പെട്ടു. രണ്ട് വർഷം മുമ്പ് ഇറാഖിൽ ഒരു മണൽക്കാറ്റും ഈ മോഡൽ വിജയകരമായി പ്രവചിച്ചു. 2022 ലും 2023 ലും ഉഷ്ണമേഖലാ ചുഴലിക്കാറ്റ് പാതകളെക്കുറിച്ചുള്ള കൃത്യമായ അഞ്ച് ദിവസത്തെ പ്രവചനങ്ങൾ നൽകിക്കൊണ്ട് ഇത് യുഎസ് നാഷണൽ ഹരിക്കേൻ സെന്ററിനെ മറികടന്നുവെന്ന് കമ്പനി പറയുന്നു.

ഗ്രാഫിക്സ് പ്രോസസ്സിംഗ് യൂണിറ്റുകളിൽ (GPU-കൾ) നിന്ന് കമ്പ്യൂട്ട് പവർ ഉപയോഗിക്കുന്ന അറോറ, സൂപ്പർ കമ്പ്യൂട്ടറുകളിൽ പ്രവർത്തിക്കുന്ന പരമ്പരാഗത കാലാവസ്ഥാ സംവിധാനങ്ങളുടെ മണിക്കൂർ പ്രവചനങ്ങളുമായി താരതമ്യപ്പെടുത്തുമ്പോൾ, നിമിഷങ്ങൾക്കുള്ളിൽ കാലാവസ്ഥാ പ്രവചനങ്ങൾ നൽകുന്നു. അറോറയെ പരിശീലിപ്പിക്കുന്നതിനുള്ള പ്രാരംഭ ചെലവ് ഉയർന്നതാണെങ്കിലും, പരമ്പരാഗത കാലാവസ്ഥാ പ്രവചന സംവിധാനങ്ങളെ അപേക്ഷിച്ച് പ്രവർത്തന ചെലവുകൾ കുറവാണെന്ന് മൈക്രോസോഫ്റ്റ് പറഞ്ഞു.