പൊതുജനങ്ങളുടെ ചികിത്സാനുഭവം മെച്ചപ്പെടുത്തുന്നതിനും അവരുടെ പ്രതികരണങ്ങളുടെ അവലോകനം കാര്യക്ഷമമാക്കുന്നതിനുമായി പുതിയ എഐ ടൂളുമായി യുകെ സർക്കാർ. “കൺസൾട്ട്” എന്ന പേരിലുള്ള AI ടൂൾ സമയം ലാഭിക്കാനും ചെലവ് കുറയ്ക്കാനും ലക്ഷ്യമിടുന്നു. ലിപ് ഫില്ലറുകൾ പോലുള്ള ശസ്ത്രക്രിയേതര സൗന്ദര്യവർദ്ധക നടപടിക്രമങ്ങൾ നിയന്ത്രിക്കുന്നതിനെ കുറിച്ചുള്ള 2,000-ത്തിലധികം പ്രതികരണങ്ങൾ വിശകലനം ചെയ്യാൻ സ്കോട്ടിഷ് സർക്കാരിനെ ഈ എഐ ടൂൾ സഹായിച്ചു. ഉദ്യോഗസ്ഥർ സാധാരണയായി നൽകുന്ന ഫലങ്ങൾക്ക് സമാനമായ ഫലങ്ങൾ നൽകുന്നതിനാൽ “കൺസൾട്ട്” ഇപ്പോൾ മറ്റ് കൺസൾട്ടേഷനുകളിലും വ്യാപകമായി ഉപയോഗിക്കാൻ തുടങ്ങിയിരിക്കുകയാണ്.
യുകെ ഗവൺമെന്റിന്റെ 500 വാർഷിക കൺസൾട്ടേഷനുകളിൽ “കൺസൾട്ട്”, AI ടൂൾ ഉപയോഗിക്കുന്നത് വഴി സർക്കാരിന് 20 മില്യൺ പൗണ്ട് ലാഭിക്കാനാകും. ഇതിന് പുറമെ മറ്റ് ജോലികൾക്കായി ഏകദേശം 75,000 സ്റ്റാഫ് മണിക്കൂർ ലാഭിക്കാനും ഈ എഐ ടൂൾ കൊണ്ട് സാധിക്കും.
എന്നാൽ ഇതിന്റെ അപകടസാധ്യതകളെ കുറിച്ച് വിദഗ്ധർ ആശങ്കകൾ ഉന്നയിച്ചിട്ടുണ്ട്. മനുഷ്യർ AI-യുടെ പ്രവർത്തനം പരിശോധിക്കേണ്ടതുണ്ടെങ്കിലും, അവർക്ക് എല്ലായ്പ്പോഴും വേണ്ടത്ര സമയം ലഭിച്ചേക്കില്ലെന്ന് എഡിൻബർഗ് സർവകലാശാലയിലെ AI പ്രൊഫസറായ മൈക്കൽ റോവാറ്റ്സോസ് പറയുന്നു. എഐയിൽ നിന്നും ലഭിക്കുന്ന വിവരങ്ങൾ ദുരുപയോഗം ചെയ്യാനുള്ള സാധ്യതയും വിദഗ്ദ്‌ധർ ചൂണ്ടിക്കാട്ടി. ഉപകരണം സുരക്ഷിതവും വിശ്വസനീയവുമാക്കുന്നതിന് ധാരാളം സമയവും പണ ചിലവും വേണ്ടിവരുമെന്ന് റോവാറ്റ്സോസ് പറയുന്നു. പണം ലാഭിക്കാനുള്ള വേഗത്തിലും എളുപ്പത്തിലുമുള്ള മാർഗമായി AI-യെ കണക്കാക്കരുതെന്നും, അത് നന്നായി പ്രവർത്തിക്കുന്നുണ്ടെന്നും പ്രശ്നങ്ങൾ ഉണ്ടാകുന്നത് ഒഴിവാക്കുന്നുണ്ടെന്നും ഉറപ്പാക്കണമെന്നും അദ്ദേഹം വ്യക്തമാക്കി. പൊതുജന കൺസൾട്ടേഷൻ പ്രതികരണങ്ങൾ ഒരു മനുഷ്യനേക്കാൾ 1,000 മടങ്ങ് വേഗത്തിൽ വിശകലനം ചെയ്യാൻ ഈ എഐ ടൂളിനെകൊണ്ട് സാധിക്കുമെന്നാണ് സർക്കാർ പറയുന്നത്
