മാതൃ- ശിശു ബന്ധങ്ങളുടെ കാവ്യാത്മകതയെയും ആഴത്തെയും ആഘോഷിക്കുന്ന ‘സാസി ബോണ്ട് 2025’ മാർച്ച് 30ന് കവൻട്രിയിലെ എച്ച്.എം.വി എംപയറില്‍ നടക്കും. ഉച്ചയ്ക്ക് 1.30 ന് ആരംഭിക്കുന്ന കലാ-സാംസ്കാരിക മേളയില്‍ അമ്മമാരുടെയും കുഞ്ഞുങ്ങളുടെയും വിവിധ മത്സരങ്ങളും പരിപാടികളും അരങ്ങേറും. പ്രശസ്ത ഫാഷന്‍ ഡിസൈനര്‍ കമല്‍ മാണിക്കത്ത് നേതൃത്വം നല്‍കുന്ന ‘സാസി ബോണ്ട് 2025’ല്‍ പല ഇനങ്ങളിലായി നടക്കുന്ന മത്സരങ്ങളില്‍ യു.കെയുടെ വിവിധ ഭാഗങ്ങളില്‍ നിന്നുള്ള നൂറുകണക്കിന് അമ്മമാരും കുഞ്ഞുങ്ങളുമാണ് അരങ്ങില്‍ തിളങ്ങാൻ എത്തിച്ചേരുന്നത്. പരിപാടിയ്ക്ക് പങ്കെടുക്കുന്നതിന് ടിക്കറ്റ് നിരക്കില്‍ യുക്മയുടെ അംഗ അസോസിയേഷനുകളില്‍ നിന്നുള്ളവര്‍ക്ക് പ്രത്യേക നിരക്ക് സംഘാടകര്‍ ഒരുക്കിയിട്ടുണ്ട്. 40 പൗണ്ട് നിരക്കില്‍ നല്‍കപ്പെടുന്ന അഞ്ച് പേരുടെ ഫാമിലി ടിക്കറ്റ് പ്രത്യേക കോഡ് വഴി £25 ന് ലഭ്യമാകും. അതുപോലെ 15 പൗണ്ട് നിരക്കില്‍ വില്‍ക്കപ്പെടുന്ന വ്യക്തിഗത ടിക്കറ്റുകള്‍ക്ക് 10 പൗണ്ട് നല്‍കിയാല്‍ മതിയാവും. ഫാമിലി ടിക്കറ്റിന് UUKMA25 കോഡും വ്യക്തിഗത ടിക്കറ്റുകള്‍ക്ക് UUKMA10 കോഡും ഉപയോഗിച്ചാല്‍ സൗജന്യനിരക്ക് ലഭ്യമാണ്. തീവ്രമായ ദൃഢനിശ്ചയത്തോടും അചഞ്ചലമായ സമര്‍പ്പണത്തോടും കൂടി, ഭാവി രൂപപ്പെടുത്തുകയും, കുടുംബങ്ങളെ ഉയര്‍ത്തുകയും, സ്‌നേഹത്തില്‍ അധിഷ്ഠിതമായ പാരമ്പര്യങ്ങള്‍ സൃഷ്ടിക്കുകയും ചെയ്യുന്ന അമ്മമാരെ ആദരിക്കുകയും ആഘോഷിക്കുകയുമാണ് സാസി ബോണ്ട് 2025 എന്ന പരിപാടിയുടെ ലക്ഷ്യം. സാസി ബോണ്ടിന് കരുത്തേകാന്‍, അമ്മമാര്‍ക്കിടയിലെ ഉത്തമ മാതൃകകളാവാന്‍ നിങ്ങള്‍ക്കും പരിപാടിയിൽ പങ്കാളികളാവാം. ടിക്കറ്റുകൾ താഴെ കാണുന്ന ലിങ്കിൽ ക്ലിക്ക് ചെയ്താൽ ലഭിക്കും .
https://www.tickettailor.com/events/manickathevents/1566176
