ബ്രിട്ടനിൽ ആരംഭിക്കുന്ന അന്താരാഷ്ട്ര യൂത്ത് എക്സ്ചേഞ്ച് പ്രോഗ്രാമിൽ പങ്കെടുക്കാൻ തിരഞ്ഞെടുക്കപ്പെട്ട് സർജന്റ് സഞ്ജന ഗായത്രി. എൻസിസി കേരള-ലക്ഷദ്വീപ് ഡയറക്ടറേറ്റിനെ പ്രതിനിധാനംചെയ്യുന്ന ഏക കെഡേറ്റാണ് സഞ്ജന. കാലിക്കറ്റ് സർവകലാശാലയിലെ ഇൻറഗ്രേറ്റഡ് എംഎ ഡിവലപ്മെന്റ് സ്റ്റഡീസ് ആറാംസെമസ്റ്റർ വിദ്യാർഥിനിയാണ്. ജൂൺ 17-ന് തുടങ്ങുന്ന പരിപാടി 21 ദിവസത്തോളം നീണ്ടുനിൽക്കും. കോഴിക്കോട് നന്മണ്ട സ്വദേശി വിമുക്തഭടനായ എൻ. സുനിൽകുമാറിന്റെയും എൻ.കെ. ഷീജയുടെയും മകളാണ്. സലീം സാഗർ ആണ് സഹോദരൻ. ഡൽഹിയിലെ റിപ്പബ്ലിക് ദിന പരേഡിലും സഞ്ജന പങ്കെടുത്തു. സഞ്ജന ഉൾപ്പെടെ ഇന്ത്യയിൽനിന്ന് 10 എൻസിസി കെഡേറ്റുകൾ അന്താരാഷ്ട്ര യൂത്ത് എക്സ്ചേഞ്ചിന്റെ ഭാഗമാകും.
