കലാഭവൻ ലണ്ടനും റിഥം ക്രിയേഷൻസും ചേർന്ന് അവതരിപ്പിക്കുന്ന സൂപ്പർ മെഗാ ഷോ ‘’നിറം – 2025’’ ജൂലൈ ആറു മുതൽ പതിനൊന്നുവരെ ബ്രിട്ടനിലെ അഞ്ചു നഗരങ്ങളിൽ അരങ്ങേറും. ലണ്ടനിലെ ഹാരോ ബൈറോൺ ഹാളിൽ ജൂലൈ ആറ് ഞായറാഴ്ച വൈകിട്ട് അഞ്ചുമുതലാണ് രമേഷ് പിഷാരടിയുടെ സംവിധാനത്തിൽ അരങ്ങേറുന്ന കലാസന്ധ്യ.കുഞ്ചാക്കോ ബോബൻ, റിമി ടോമി, സ്റ്റീഫൻ ദേവസി, മാളവിക മേനോൻ, കൗശിക് വിനോദ്, ശ്യാമ പ്രസാദ് തുടങ്ങി സിനിമാ താരങ്ങളും പിന്നണി ഗായകരും നർത്തകരും അടങ്ങുന്ന വലിയ കലാസംഘമാണ് സ്റ്റേജ് ഷോയിൽ അണിനിരക്കുക. ലണ്ടനു പുറമേ ഐ.സി.സി വെയിൽസ് – ന്യൂ പോർട്ട് (ജൂലൈ-4), ബഥേൽ കൺവൻഷൻ സെന്റർ – ബർമിങ്ങാം (ജൂലൈ-5) കിങ്സ് ഹാൾ- സ്റ്റോക്ക് ഓൺ ട്രൻഡ് (ജൂലൈ – 9), മെഹർ സെന്റർ ലെസ്റ്റർ (ജൂലൈ -11) എന്നിവിടങ്ങളിലും ഷോ ഒരുക്കുന്നുണ്ട്.മലയാള സിനിമയിലെ താരങ്ങൾക്കൊപ്പം യുകെയിലെ നിരവധി വേദികളിൽ നിറഞ്ഞാടി ആരാധകരുടെ മനം കവർന്ന ഡാൻസ് ടീം ഡ്രീം ടീംസും നിറം -2025 ൽ പങ്കെടുക്കും
