യുപിഎസ് സി സിവിൽ സർവീസ് പരീക്ഷാ ഫലം പ്രഖ്യാപിച്ചു. ഉത്തർപ്രദേശ്‌ സ്വദേശി ശക്തി ദുബെയ്ക്കാണ് ഒന്നാം റാങ്ക്. ഹരിയാന സ്വദേശി ഹർഷിത ഗോയലിനാണ് രണ്ടാം സ്ഥാനം. മൂന്നാം സ്ഥാനം മഹാരാഷ്ട്ര സ്വദേശി ഡോംഗ്രേ അർചിത് പരാഗിനാണ്. ആദ്യ 100 റാങ്കിൽ ആറ് മലയാളികളുണ്ട്. പാലാ സ്വദേശി ആൽഫ്രഡ് തോമസ് 33 ാം റാങ്ക് നേടി മലയാളികളിൽ മുന്നിലെത്തി. തിരുവല്ല മുത്തൂർ സ്വദേശി മാളവിക ജി നായർക്കാണ് 45ാം റാങ്ക്. നിലവിൽ ഡെപ്യൂട്ടി കമ്മീഷണറാണ് മാളവിക.നന്ദന ജിപി 47,സോണറ്റ് ജോസ് 54, റീനു അന്ന മാത്യു- 81, ദേവിക പ്രിയദർശിനി-95 എന്നിവരാണ് യഥാ ക്രമം റാങ്ക് ജേതാക്കൾ
