ആര്‍ട്ടിഫിഷ്യല്‍ ഇന്റലിജന്‍സ് (എഐ) ഉപയോഗിച്ച് എല്ലാ രോഗങ്ങളും ഒരു ദശാബ്ദത്തിനുള്ളില്‍ ഇല്ലാതാക്കാന്‍ സാധിക്കുമെന്ന അവകാശവാദവുമായി ഗൂഗിള്‍ ഡീപ്മൈന്‍ഡിന്റെ സഹസ്ഥാപകനും സിഇഒയുമായ ഡെമിസ് ഹസ്സബിസ്. ഹസ്സബിസിന്റെ ഈ വാദത്തിന് പിന്തുണയുമായി പ്രമുഖ എഐ സ്ഥാപനമായ പെര്‍പ്ലെക്‌സിറ്റി എഐയുടെ സിഇഒ അരവിന്ദ് ശ്രീനിവാസും രംഗത്തെത്തി.
ഒരു മരുന്ന് വികസിപ്പിക്കാന്‍ പത്തോ നൂറോ വര്‍ഷം വേണ്ടിവന്നേക്കാം. എന്നാല്‍, എഐയുടെ സഹായത്തോടെ ഈ സമയം ഏതാനും വര്‍ഷങ്ങളോ, മാസങ്ങളോ, ചിലപ്പോള്‍ ആഴ്ചകളോ
ആയി ചുരുക്കാന്‍ നമുക്ക് കഴിഞ്ഞേക്കും,’ ഹസ്സബിസ് വിശദീകരിച്ചു. എഐയ്ക്ക് മനുഷ്യന്റെ ആരോഗ്യ രംഗത്ത് വിപ്ലവം സൃഷ്ടിക്കാന്‍ ശേഷിയുണ്ടെന്നും, പ്രോട്ടീന്‍ ഘടനകള്‍ മനസിലാക്കുന്നതില്‍ എഐ നേടിയ നാഴികക്കല്ലുകള്‍ ഇതിന് തെളിവാണെന്നും അദ്ദേഹം ചൂണ്ടിക്കാട്ടി.
വിപണിയില്‍ ഗൂഗിളിന്റെ എതിരാളിയാണ് പെര്‍പ്ലെക്‌സിറ്റി. എഐ. എഐ അധിഷ്ഠിത സെര്‍ച്ച് എഞ്ചിനാണ് അവരുടെ പ്രധാന ഉല്‍പ്പന്നങ്ങളിലൊന്ന്. ഗൂഗിള്‍ ക്രോമിനെ വെല്ലു വിളിക്കുന്ന അജന്റിക് ബ്രൗസറും ഇവര്‍ അവതരിപ്പിച്ചിട്ടണ്ട്.
